ARBOLA
Bost hosto arbolaren gainean
Bat airatu da haize mehean
Zenbat gelditzen (dira) ? 4

Lau hosto arbolaren gainean
Bat airatu da haize firfiran
Zenbat gelditzen (dira) ? 3

Hiru hosto arbolaren gainean
Bat airatu da haize hegoan
Zenbat gelditzen (dira) ? 2

Bi hosto arbolaren gainean
Bat airatu da haize boladan
Zenbat gelditzen (dira) ? 1

Hosto bat arbolaren gainean
Bat airatu enbata haizean
Batere ez da gelditzen…
http://www.ikas.eus/IMG/ogg/9_-_arbola.ogg?5925/9afd1d895fd17db5e25a212d5cc1799d81a62539
Josiane Aguerre-Valencia, Biribil, Ikas, 2015

HILI
(...)
Hostoek,
hiltzean,
dantza egiten dute.
(...)
Hiltzeko beldur naizelako
badakit bizi naizela
(...)
Norbaiten tripatik sortzen bagara,
norbaiten tripara hiltzen gara?
(...)
Hildako hitzei inork egiten al die
negarrik?
Hizkuntzak, hil aurretik, mingainean
etzaten dira?
Hildakoen hizkuntzan nola esaten da
itsasoa, mina, etorkizuna?
(...)
Uxue Alberdi, hili, Elkar, 2021

MAITEMIN, JAKINMIN
Ez dakit badakizun,
badakiela dakidala,
Badakidala dakiela
bazeneki,
zenekikeenik ez lekikeela
nekike.
Joxe Luix Agirretxe Mitxelena, Herioari ebatsitako poemak, Maiatz, 2021

AMETSA
Ez da munduan haurrik, ez eta gizonik
Ametsik ez dianik, gogoetatürik
Hürrünik jinik ere, nahi den lekütik
Nihur ez da mündian, amets gabekorik.
(...)
Frantxoa Caset, Esperantxak erran deit, Maiatz, 2021

LARRAZKENA
Bazterrak bere jauntziaz buluzten dituen sasoina!
Mendi gaineko zuhaitzak hits daude:
Ostoak berde-gorail,
Addarak idor, iduri hezur xukatu batzu.
Noiztenka, lano petik eskapatu iruzki arrai batek
Perekatzen dituela
Eta iduri beilukete jatzartzen bezala direla.
Bainan haize ukaldi batek baderamatza
Bere oldarrean, firristan,
Errepika trixte batean...
(...)
http://www.manexerdozaintzi.com/olerki_testua.php?id=281&op=2&liburua=5
Manex Erdozaintzi-Etxart

2021eko ekaineko Poesia nahas-mahas adin guzientzat.. Ezinezkoa ostadarra ikustea euririk gabe
IKASOLAS