Haizea

Badoa haizea ufaka
Badoala arin-arinka

Airatu dira luma eta hosto
Biharko zaigu berriz etorriko

Badoa haizea ufaka
Badoala arin-arinka

Gau on Luma, ezti eta leuna
Gau on hosto, arin eta goxo

Badoa haizea ufaka
Badoala arin-arinka

Ttinka albumatik Philippe Albor, Arantxa Hirigoyen & Amaia Carrere

Haize beltzean

Haize beltza, hodei harrotzaile
hondartza grisean
harea xehean dantzari.

Badoa
itsasoko aho zintak
gatz eta hagunez
tinkatzen duen eguna,
zauri anitzeko basabere.

Nicole Etxart 2022ko azaroko Maiatz

Kukusoak
ez du saltoka
ibiltzeko gogorik.
Xoko moko batean,
kikili-mokolo dago,
kizkur-kizkur eginda,
osoki kiribilkatua.
Kikili-makala,
kilinki-kalanka,
badoaa bizkarretik
orkatilara,
hinkili-mankala
doan arkakusoa.
Txomin Heguy – Lur ilaunduan loreak – Maiatz

Zirtzilak libertitzeko
libertimenduratu ziren.
Libertate gosez, 
zipli zapla,
zirt eta zart,
zitzimutzika,
zitzipatzaka,
ziliportaka, 
zizti zazta, 
ziztuliaren antza, 
mundua azpitik gora
itzulipurdikatu zuten.

Txomin Heguy – Lur ilaunduan loreak – Maiatz

UDABERRIA
Goiz huntan alaitasuna :
xoriak ohartu dira
kanpoa atzartzen dela ;
gaur dugu udaberria !
Primaderako liliak
begietan festa dakar.
Usain goxo bat hartu du soroak,
loraturik dena.
Errepika atera du kukuak
zuhaitz hostailean gordea.

Pantxika eta Graxi Solorzano – Kantiruri, Ikas

Pello Añorga, Jiran-Biran, Aizkorri