Diktaketa

Diktaketa
Sudur gainean bi begi
itsas guztien biltegi.
Puntu eta segi.

Urmaelean bi ahate,
lepotik dilin bi kate.
Puntu eta aparte.

Hegazkina da idazluma,
hodeia borragoma.
Puntu eta koma;

Itsasuntzian bi txoropito
eta biak urbidean ito.
Puntu eta Kito.

Xabier Olaso Haurrentzako euskal poesiaren antologia

HIZTEGIAN HITZAK

Hiztegian hitzak
eta esanahiak,
hiztegi itsusiak
ipuin alaiak.

Liburuan lanak
eta ariketak,
liburu aldrebesak
ipuin politak.

Hiztegian hitzak
hitzak hiztegian,
hondarra sartu zaidak
berriro begian.

Liburu aldrebesak
ipuin politak,
gora ipuinak eta
fuera ariketak!

Antton Kazabon, Bazen behin, behin bazen

OIHAN BAZTERREAN

Oihan bazterrean
otsoa egoten da,
zuhaitzen gainean
kukua entzuten da,
kuku, kuku,
kukukurrukuku.
 Otsoa, bazatoz?
 EZ, GALTZONTZILOAK JANZTEN ARI NAIZ.

Oihan bazterrean
otsoa egoten da,
zuhaitzen gainean
kukua entzuten da,
kuku, kuku,
kukukurrukuku.
 Otsoa, bazatoz?
 EZ, PRAKAK JANZTEN ARI NAIZ.

Oihan bazterrean
otsoa egoten da,
zuhaitzen gainean
kukua entzuten da,
kuku, kuku,
kukukurrukuku.
 Otsoa, bazatoz?
 EZ, ALKANDORA JANZTEN ARI NAIZ.

Oihan bazterrean
otsoa egoten da,
zuhaitzen gainean
kukua entzuten da,
kuku, kuku,
kukukurrukuku.
 Otsoa, bazatoz?
 BAI, JANTZI NAIZ, ETA ORAIN BANOA DENAK HARRAPATZERA!

Pello Añorga, Din Dilin Dan, Denonartean
Youtuben
Kantu guziak

Xoxua

Xoxoak galdu du burua
Burua, xoxua, gaixoa
Nola kanta, nola xirula, nola kanta xoxuak?

Xoxoak galdu du begia
Burua, begia, xoxua, gaixoa
Nola kanta, nola xirula, nola kanta xoxuak?

Xoxoak galdu du lepoa
Burua, begia, lepoa, xoxua, gaixoa
Nola kanta, nola xirula, nola kanta xoxuak?

Xoxoak galdu du mokoa
Burua, begia, lepoa, mokoa, xoxua, gaixoa
Nola kanta, nola xirula, nola kanta xoxuak?

Xoxoak galdu du hegala
Burua, begia, lepoa, mokoa, hegala, xoxua, gaixoa
Nola kanta, nola xirula, nola kanta xoxuak?

Xoxoak galdu du buztana
Burua, begia, lepoa, mokoa, hegala, buztana, xoxua, gaixoa
Nola kanta, nola xirula, nola kanta xoxuak?

Xoxoak galdu du bihotza
Burua, begia, lepoa, mokoa, hegala, buztana, bihotza, xoxua, gaixoa
Nola kanta, nola xirula, nola kanta xoxuak?
Kantua

Azterketa sakon baten ondotik,
Aztiak munduari
Azpimarratu zion
Azpikoak eta gainerakoak
Azkarki itzulipurdikatuak zirela,
Aztarnak errautsiak,
Azkonak lurperatuak,
Aztoreak airatuak,
Azpijokoak agortuak,
Azken batean bizi zituela
Azkenaurreko garaiak.

Lur ilaunduan loreak, Txomin Heguy, Maiatz

Gerlarik ez

Gerlarik ez, gerlarik ez, gerlarik ez.
Bainan utzi guri
utzi herriari
bakean bizitzia
bakean bizitzen
nahi duen bidean.

Bakezale zuzenak gisa
gerlaren gudari
bainan ez esklabo bakea.
Bainan ez hilen bakea.
Bainan ez itsuen bakea.
Bai gure bakea.

Manatzale arrotza dugu
etxean nagusi.
Ebasten dauzkigu etxeak.
Ebasten dauzkigu lurrak.
Ebasten dauzkigu mendiak.
Bai ta itsasoak.

Heren suge baten ahoan
haginen artean
lehertzen daukute burua
lehertzen daukute haurra
lehertzen daukute bihotza
bai gure bizia.

Gerlarik ez Eskual Herrian
gure nahian.
Kanporat baliatzaileak
kanporat traidoreak
kanporat gure hiltzaileak
utzi gu bakean.

Guk taldea