Seme-alabei “euskarazko” emankizunei, filmei edo marrazki bizidunei begiratzea proposatu nahi diet.

• Haurren xokoa Kanalduden, bereziki ’Maitexa eta miraila’ programa. Kanaldude telebistan ikusteko Iparraldean: Orangen 358 katean, Bouyguesen 339 katean, Freeren 948 katean eta SFR-ren 496 katean. Hegoaldean, Izarkom eta Onaro telekomunikazio operadoreen Begizta plataforma baliatu behar da. Mugikorrean ikusteko, Android edo Apple aplikazioa deskargatzen ahal da.

  

• Zer non ikusi Plataformetan dauden euskarazko edukien katalogoa.
  (Primeran, Makusi, Prime video, Netflix, Filmin, Movistar)
• Makusi Haurrendako eta gazteendako euskarazko filmak eta bideoak. (Kasu, eduki batzuk ez dira Iparraldetik eskuragarri)
• EITB Nahieran
• Euskal encodings
  Euskarazko filmen streaming eta deskarga plataforma (ez ofiziala).

• Gookapi Plataformak iratxo birtualen telesail laburrak, jolas interaktiboak eta abestiak batzen ditu besteak beste. Kitorik da eta euskaraz sortua (0-9urte).
• Ikas Tantak YouTube kanala Haurrendako euskarazko heziketa bideoak: ipuinak, kantuak, laburmetraiak, emozioak, natura eta kultura lantzen dituzten bideoak, fenomeno naturalak modu ulergarrian azaltzen dituzten edukiak...