Egitaraua

Zer egin daiteke diseinu programa hori erabiliz? Programaren aurkezpena eta hari esker Ikasen egin diren euskarri zenbaiten adibideak.

Nola erabil?
 Webgunean izena ematea, akademiako helbide elektroniko profesionala erabiliz.
 Interfazearen aurkezpena eta manipulazio librea (zer tresna, zeren egiteko?)

Bideoak nola egin?
 Bideo mota zenbait erakutsiko dizkizuegu, eta haien egiteko moldeak.
 Zuen aldi! Bakoitzak nahi duen euskarria sortzeko tailerra, Ikaseko langileen laguntzaz. Bakoitzak landu nahi duen gai bati buruzko irudiak, soinu fitxategiak, bideoak, etab., ekar saioaren denboran Interneten xerkatu, edo proposatuko diogun materiala erabili.
Soinu grabaketen egiteko parada ere izanen da nahi duenarentzat.

Materiala: bakoitzak bere ordenagailu eramangarria edo tableta ekar dezala* eta ahalaz, soinuen entzuteko kaskoa edo belarritakoak. Bestalde, nahi duenak argazki/irudi/bideo/soinu fitxategiak ekar ditzake giltza batean.
KASU! Helbide elektroniko profesionala beharko duzu (ac-bordeaux.fr) eta zure mezuetan sartzeko kodeak.

*Halakorik ez baduzu, aitzinetik abisa gaitzazu, aterabidea antola dezagun.