Euskarazko irakaskuntza hiru saretan proposatzen da:
 Irakaskuntza publikoan
 Irakaskuntza giristinoan
 Seaskan (ikastolen federazioa).

Modalitate zenbatetan egiten da.
 Parekotasuneko ordutegia: irakaskuntzaren denboraren erdia euskaraz da, beste erdia frantsesez (eskola publiko eta giristinoetan).
  % 100: irakaskuntza osoki euskaraz egiten da, lehen ikasturteetan bereziki, hots 1. zikloan eta batzuetan 2. zikloaren hasieran ere (eskola publiko eta giristinoetan).
 Murgiltze sistemako irakaskuntza: irakaskuntza bera eta ikastetxeko jarduera guziak euskaraz egiten dira. Frantsesa CE1etik aitzina irakasten da.
 Bigarren mailan, euskararen irakaskuntzaz gain, beste gai batzuk euskaraz irakasten dira (historia, matematikak, kirol heziketa...), oren kopurua eta gaiak ikastetxe batetik bestera aldatzen dira.

Guraso elkarteak

• Bi guraso elkarte badira euskarazko irakaskuntza publikoan:
  • Ikas-Bi http://www.ikasbi.com /
  • Biga Bai: https://www.bigabai.eus /
• Irakaskuntza giristinoan, Euskal Haziak elkarteak gurasoak eta irakasleak biltzen ditu: https://euskalhaziak.eus
• Ikastolak elkarte-eskolak dira; ikastetxe bakoitzak bere elkartea du, non gurasoak engaiatzen diren beren haurren ikastolaren kudeaketan: https://seaska.eus/eu/ibilmoldea

2024-2025 ikasturte hasieran, haur hezkuntzako 1. urteko ikasleen % 50,6 murgiltze sisteman edo sail elebidunean ziren.

2024ko sartzeko datuak (Iturria: Euskararen Erakunde Publikoa)