Dorre luze iluna
Françoise Guillaumond-en La haute tour sombre albumaren itzulpena.
Lehen mailako 3.zikloarentzat
Laburpena
Ipuin miresgarri bat da honakoa, gaur egungo amandre ipuin gisa irakur daitekeena. Liburuan aldi berean bi istorio biltzen dira. Batetik, ipuin bat marrazten ari den margolaria eta bere burutapenak ditugu, eta bestetik, margolari honek marrazten duen ipuina bera: dorre batean preso bizi den neskatxo baten istorioaren garapena. Ilustrazioak oso ondo egokitzen dira istorioaren harira.
Galtzagorri elkartea
Zati bat
"Behin bazen andere bat marrazki egiten eta idazten ari zena, orrialde zabaleko liburuxka batean. Ipuin berri baten asmatzen ari zen.
Haren ipuineko neskatxak deusik ez zuen, zinez deusik. Aitarik ez zuen, amarik ez zuen, adixkiderik ez, etxerik ez... deusik ez.
Dorre luze ilun batean bizi zen. ..."
Sarean
{{Sortzera jolasten}}
http://paperekoa.berria.info/plaza/2007-12-23/042/005/Dorre_luze_iluna_Sortzera_jolasten.htm
Dorre batean bizi den neskatoari eta hura handik ateratzeko gertatu behar duenari buruzko istorio ezagunaren beste bertsio bat da. Baina ez hori bakarrik: egileak horrelako istorio bat paperera eramaten duen prozesua ere bada. Jolas polita sortzen du horrek. Istorio ilustratu bat egiteko ideia eta inspirazioak nondik sor daitezkeen: nola bere burutik irteten diren adina ideia aurkituko dituen ingurura ondo begiratuta, eta nola azkenerako berak sortutako pertsonaiek beraiek emango dien istorioarekin jarraitzeko bidea. Ideia hau horrela izanda, ezinbestekoa zen ilustrazioek garrantzi handia hartzea, eta ederki betetzen dute kontaketa osatzeko lana. Pertsonaien animoaren arabera koloreak eta tonuak aldatu egiten dira, sortzailearen eta sortutako istorioaren arteko loturak erakusteko. Denbora askoan eta askotan begiratuz gozatzeko marrazkiak dira. Eta behin istorioa jakinda, marrazkien bidez bakarrik jarraitzeko modukoa da, norberak detaile berriak erantsiz. Eskertzekoa da hiru eurotan izatea eskuragai hain liburu dotorea.
Euskara
Literatura albumak
irudimena
Dorrea
Marrazkia
CM1 - 4. urtea
CE2 - 3. urtea
CM2 - 5.urtea
http://paperekoa.berria.info/plaza/2007-12-23/042/005/Dorre_luze_iluna_Sortzera_jolasten.htm
Dorre batean bizi den neskatoari eta hura handik ateratzeko gertatu behar duenari buruzko istorio ezagunaren beste bertsio bat da. Baina ez hori bakarrik: egileak horrelako istorio bat paperera eramaten duen prozesua ere bada. Jolas polita sortzen du horrek. Istorio ilustratu bat egiteko ideia eta inspirazioak nondik sor daitezkeen: nola bere burutik irteten diren adina ideia aurkituko dituen ingurura ondo begiratuta, eta nola azkenerako berak sortutako pertsonaiek beraiek emango dien istorioarekin jarraitzeko bidea. Ideia hau horrela izanda, ezinbestekoa zen ilustrazioek garrantzi handia hartzea, eta ederki betetzen dute kontaketa osatzeko lana. Pertsonaien animoaren arabera koloreak eta tonuak aldatu egiten dira, sortzailearen eta sortutako istorioaren arteko loturak erakusteko. Denbora askoan eta askotan begiratuz gozatzeko marrazkiak dira. Eta behin istorioa jakinda, marrazkien bidez bakarrik jarraitzeko modukoa da, norberak detaile berriak erantsiz. Eskertzekoa da hiru eurotan izatea eskuragai hain liburu dotorea.