Hazparneko zapataginak

Egilea(k): Luixa Giltzu .

Denboraren lehen leizean,
haizeak zioen bere elean,
urrun ufatuz bere hatsa :
“Dena da deus ez, dena hutsa,
zeruan soilik izarren errautsa !“

Ondoren lurrak intziri boza zuen luzatu,
eta hola zen mintzatu :
“Hautsi nahi dut zorte hitsa,
haziek zabal ene hitza,
sor dadila lehen haritza !“

Entzun !
Zapatak baino lehen ziren zuhaitzen erroak,
zapataginak baino lehen ur bizien orroak.

Jendea gero zen heldu,
ortutsik haitzari hurbildu,
bere axalaren sekretuak bildu !

Lehen, zapataginak baino lehen,
haritz barnen Hazparnen !
Luixa Giltzu 2003

Gai kulturalak PDF Hazparne Olerkia CM1 - 4. urtea TPS - 2 urtekoak PS - 3 urtekoak MS - 4 urtekoak Kolegioa - 6.a GS - 5 urtekoak CP - 1. urtea CE1 - 2. urtea CE2 - 3. urtea CM2 - 5.urtea Kolegioa - 5.a Kolegioa - 4.a Kolegioa - 3.a Lizeoa - 2.a Lizeoa - 1.a Lizeoa - Terminala Helduen erakaskuntza