Laino pinpirina - 7. fitxa : antzezpena
HELBURUAK :
Jendeen gaitasunak hobeki ezagutu.
Enpatia sustatu.
Sormena bultzatu.
KONPETENTZIAK :
Jende gaitasunak sustatzeko joko sinbolikoa, dramatizazioa… oinarritzat duten jarduerak burutu.
Joko kooperatiboa sustatu.
Ipuinean agertzen den antzeko egoerak antzeztuko ditugu ikasleekin. Horretako, lehenbizi ikasle eta irakasleak zein egoeratan ematen diren bazterketa kasuak aztertuko dute. Hiru egoera aurkitu dutenean, horiek antzeztera ekinen diote, baztertzaileak, baztertuak eta begira egoten direnak nola sentitzen diren ulertzeko asmoz.
Egoera bakoitzean, ikasleek beren rola aldatuko dute. Egoera batean, ikasle batzuk erasotzaileak izanen dira, beste batzuk baztertuak eta beste zenbait begira egoten direnak.
Hurrengo egoera antzeztean, aldiz, jokatzen duten rola aldatuko dute.
Bukatzeko komunean jarriko dugu bizi izana :
Nola sentitzen dira rol bakoitzean ?
Zer estrategia erabiltzen ahal du baztertua denak ?
Zer egiten ahal dute pasiboak edo begira daudenek ?
Zer egiten ahal dugu bertze baten kontrako bortizkeria ikusten dugunean ?
Nola ohartaraziko diegu baztertzaileei beren jokabideaz ?
