-Geldi !, eseri !! -ari zen Lurdes andereñoa eztarria urratu beharrean, baina jabetzen zen ia itsasoa baretzea bezain zaila zela iskanbila zalapartatsu hura baretzea.
- Andereño, andereño...! -Iñaki sartu zen atetik begiak bere lekutatik irtetzeko zorian-, gure txalupa itsasoak eraman du moilatik, moila gainetik. Aita eta biok horiz pintatu genuen joan den astean... -malkoen distira nabari zitzaion begietan.
- Ba gure aitonak esan du kuarentaitresetik ez duela horrelakorik ezagutu -esan zuen Itziarrek- ; atzo gure atarirarte heldu ziren urak eta gaurko marea oraindik gogorragoa izango omen da. Karta denborak edo ez dakit direla esan du.