VII eta VIII. mendeetan, frankoen eta wisigodoen eta musulmanen kontra gogor burrukatu behar izan zuten euskaldunek, euskal lur eta herrien askatasuna gorde eta defenditzeko.
Gudu haietan nagusien agertu ziren buruzagiak Eneko Aritza eta honen anaia Gartzea Semeneitz izan omen ziren.
Eneko Aritzak seme bat izan zuen : Gartzea Enekoitz. Gartzea Semeneitzek ere seme bat izan zuen, oso berandu : Antso Gartzeiz. Seme hau jaio berri zela hil egin zen aita Gartzea Semeneitz. Horregatik, Antsoren lehengusua, Gartzea Enenkoitz, gertatu zen errege. Baina, beti izan ohi den bezala, errege etxe horietan inbiria eta bekaitza handiak sortu ziren eta denek izan nahi zuten errege...
Hauxe ikusiko dugu historio honetan.
Behin batez, Antso Gartzeiz ttiki zela eta bere ama Dadile erregina alargunarekin Iruineko gazteluan bizi zela, Gartzea Enekoitz, nahiko zahartua, errege zelarik...