Oso pertsonaia bereziak ageri dira liburu polit honetan. Narraski-Saski asmatzaileak eta Percy katu hiztuna dira protagonista nagusiak. Bi asmatzaileak senar-emazteak dira, eta inori bururatu ere egingo ez litzaizkiokeen tresnak asmatzen dituzte. Percy, berriz, munduko katurik originalena da. Oso ondo egiten ditu etxeko lanak, auzokoei sagarrak lapurtzen dizkie eta batzuetan haserretu egiten da. Umorea da, oso umore originala, liburu honetan irakurleak gainezka aurkituko duena. Orrialdez orrialde irakurtzen jarraitzeko gogoa pizten du. Eta ez dago esan gabe uzterik marrazkiak zoragarriak direla.