Gure aita ez dago gortuta, baina batzuetan, hitz egiten diodanean, ez du ondo entzuten. Adibidez nik hitzez hitz hauxe esan nion : «Ez dut judorik egin nahi». Zail-zaila ere ez da, baina bi aldiz errepikatu nion, ondo ulertu ez bazuen-edo : «Aita, judo-ikastaldi bat bera ere ez dut egin nahi». Hori esan eta biharamunean, borroka-arteen gimnasio batean eman zuen nire izena judo ikasteko. Dirudienez, egunen batean eskertu egingo diot.