Mutil bat ihesi doa. Atzean utzi nahi ditu institutua, familia, neska batekin izandako harremana... Arazoak besterik ez ditu alde guztietatik eta ihes egin nahi du, urruti joan, atzera begiratu gabe. Auto-stop egiten hasten da, Galiziako sorterritik Madrilera joateko asmotan. Inola ere ez zuen espero, ordea, emakume bat geldituko zitzaionik. Are gutxiago, izenik eman nahi ez dion emakume horrek bere barrena miatzeko horrelako trebezia erakutsiko zuenik. Maitasuna, adiskidetasuna, nork bere nortasuna aurkitu beharra... Gaztea kezkatzen duten gaiak aterako dira pixkanaka elkarrizketan zehar, eta hauen bitartez deskubrituko, zer den norberaren bizitzan benetan garrantzia duena.