Oñaztar eta Ganboarrak : Erdi Aroan Euskal Herria odolez eta zoritxarrez bete zuten bi alderdi etsaituak, izenez kristauak izan arren gorrotoa eta mendekua beste legerik onartzen ez zutenak. Garai gogor ete hits horretan girotu zuen Etxaidek bere eleberri eder eta mamitsu hau, 1962an Euskaltzaindiaren "Txomin Agirre" saria irabazi zuena. Butroe eta Abendañoko jauntxoak elkar txikitu beharrean heriosuharrezko borroketan dabiltzan bitartean, Juan Matxin Olasoko altxatuko da basakeriaren erdian, gorroto harroaren gainetik bi taldeen arteko adiskidetasuna lortu nahian.