Gogo aldarteen gorabeherak adierazteko nahiz barne zirrara eta apetarik txikienari erantzuteko ez dirudi idazlan bakar bat ere dagoenik gai denik bere jarioa gizabanakoen gogoaren plegu eta tolesturetan xeheago isurtzeko; eta guztiarekin ere, ondorioa ezinago perfektua izateaz gain, bikain konposatua dago. Jariotasunik handiena iraunkortasunik handienarekin batera existitzen da. Iduri du marea hara eta hona lasterka dabilela hondartzan, eta lasterka egitean bere uhin eta zurrunbiloak uzten dituela hondar gainean marmolez ebakiak.