Bi protagonista ditu desioaren kronika honek: Rakel Beaumont eta Luis Korta. Biak bizi dira denok bizi garen hirian, desioaren hirian. Biak biziko dira obsesio bakarrari jarraituz, beren desioa betetzea, hil ala bizikoa baita bientzat desiratzea. Hain da haientzat funtsezkoa desiratzea ezen nekez bereizten baitute zer den errealitatea eta zer desioa. Eta haien desioak hain garrantzitsuak izanik, edozein gauza –daukaten gauzarik preziatuena ere– emango lukete desioak lortzeko.