Bi liburu ditu Azpirozek Auspoan leendik argitara emanak : bata, Arbol zarraren kimuak, bere familiaren istoria eskeintzen diguna ; eta bestea, Gogoz kontrako pausoak, bere gerra-ibillerak kontatzen dituana. Oroipen-liburuak, beraz, biak ere.
Irugarrengo au, berriz, nobela du. Alde batetik bi gazteren amodioa azaltzen digu ; eta, bestetik, garai bateko baserri-giroa. Baiña baserritar baten ikuspegiz, izkeraz, sentimentuz eta irizpidez, bera ala degun ezkero.
Azpiroz, irakurlea bereala oartuko danez, bere eguneroko bizitzan ikusia papereratzen aalegindu da, berak ezagutu duan nekazari-munduaren testigantza garbia emanez. Ala, idazlan mardul onek, naiz-eta berez nobela izan, oroipen-liburua dala ematen du. Istoria irakurtzen ari gerala, alegia, asmakizuna baiño geiago.