Mendekoste gereziak bildumaren edizio berritu honetan aurkezten diren hemeretzi ipuinen artean, era askotakoak aurkituko ditu irakurleak. Haur ipuinak daude alde batetik, mais asko Etxepareren esperientzia pertsonaletik haur garaiko oroimenetan oinarri hartu eta moldatuak, haur eri hark belarria finduta zuen inguruneko hots eta koloreak, detaileak azken-azkenean antzeman eta hausnartzen. sarri aurkitzen dizkiogu parekotasunak Tolstoi eta Grimm anaiekin.
Beste alde batera daude helduekin pentsatu eta egindako ipuinak. Horien artean luzeraz bezala kalitatez ere aparte bat merezi duela iruditzen zaigu Kurutze gorriak izeneko ipuinak. Erlatu honen garrantzia, gure ustetan, bere modernotasunean datza. Filme neorrealista italiar baten antza hartzen zaio hasiera-hasieratik eta fotogramak xuri-beltzean pasatzen dizkigu Etxeparek.
Bestela, parekotasunak bilatzen hasita, inor ez da harrituko Maupassant-en itzala aipatzen badugu, edo Barojarena bezala Daudet eta Txekhov-ena.