Maitatzea : esperientzia sakonena, gozamen zirraragarriena, sufrimendu garratzena... Sentimenik bortitz eta kontrajarrienak pizten dizkigu amodioak ; herregatik bihurtu izan da sentimendu hau literaturako ohiko mintzagai edo gure betiko kezka-iturri, batzuetan norbera zoramenaren ertzera eramateraino.
Horixe egin du Joxe Belmontek ipuin-bilduma honetan : itxura arrunt baten pean, bikoteen bizitzak ezkutatzen dituen azpildurak eta gizon-emakumeen makurdurak jartzen dizkigu agerian, behatzailearen begi zorrotza eta umoristaren ironi argia erabilita. Sexua modu patologikoan bizi dutenak, susmo eta jelosien neurosian dabiltzanak, usteen eta errealitatearen arteko amildegian eroritakoak...
Hamaika istorio bikain, erotismo-ukituz zipriztinduak. Hamaika ipuin gogoangarri, egilearen estilo-aniztasuna eta kontaketarako esku trebea erakusten dizkigutenak.