Labur aroz azken 22 urteotan barrena Joxe Austin Arrietak idatzitako zenbait narrazioren labur-bilduma da. Lehenbiziko biak izan ezik, gainerako lan guztiak argitaragabe zeuden gaur arte, eta oraintxe plazaratzen dizkigu egileak. Oso modu bitxi eta erakargarrian plazaratu ere, gure ustez : "edizio kritiko, auto-kritiko, edo para-kritiko" gisa, berak dioskun bezala. Irakurleak berehala igarriko dionez, liburu honetako 'Solas'ek, oin-oharrek eta, oro har, iruzkinek ez baitute ohizko edizio akademikoen estiloarekin inolako zerikusirik. Guztiz alderantziz, jatorrizko literatur testuaren osagarri, jarraibide eta, zenbaitetan, baita sortzaile-kide ere, bai baitira.
Hiru 'ARO'tan bereizi eta banatu digu Arrietak bere obra, bere narraziolan LABURren AROZ-aroko aurkezpen iruzkindu, iradokitzaile eta benetan interesgarri bau.