"... Uztailean gaude, hamazortzian izan ere. Iruña osoan zurrumurruak kurritzen du militarrak zerbait egiten ari direla. Oraindik ez dakigu deus segurutik, baina aroa ederra izanagatik, goibel dago giroa. Astebete ez da oraino Sanferminak bukatu direla, eta ohi denez, jendearen hazpegiak nekaturik ageri dira; baina apur bat beldurturik ere, eta beldurturik ez bada, kezkaz zamaturik bai behintzat".
Antonio Ozkoidi abertzalearen bizipen pertsonalen harian guzti horrekin loturiko gertakariak aurkituko dituzu eleberri honetan, gerraurrekoak eta gerratearen ondorengoak, herrikoak eta atzerrikoak, esperantzak eta zaputzaldiak, baina oroz lehen fedeak eta amodioak ematen duten aitzina egiteko horondate makurtuezina.