Bilbok behar zuen nobela berri bat, Somera eta Ronda kaleetan barrena ibiliko dena, Atxurin, Erriberan, San Frantziskon... Halaxe dabil Mikel, Zuria Beltz musika taldeako baxujolea : ez lanik, ez dirurik ; Dionisosen etxean bizi da, honen lepotik. Eta ahal denean, parranda eta rock and rolla.
Nobela honetako narratzaileak zirikatu egingo du irakurlea, trufatuko da bere pertsonaiez, irainduko ditu gogaikarriak. Elkarrizketen biziak erakutsiko ditu kontzertu eta tabernetako jendeak, eta ezagunak egingo zaizkigu batzuk. Egunerokotasuna umorez hartzen ez duena ergelduko da, baina laborria serio hartzen ez duena ziniko bihurtuko. Unai Iturriagaren lehen eleberriari ekin orduko abian jarriko da liburuko makineria osoa, gurpil zoro baten pare. Honezkero, berandu da gelditzeko.