Bi bertsolariren izenak irakurtzen dira liburu onen azalean : Jose Joakin Mitxelena eta Kosme Lizaso, biak oiartzuarrak. Bikote berezi ori urteetan or ibili zan bertsotan erriz erri kantari, Gipuzkoan ez-ezik, Naparroan ere.
Orain, berriz, batek mundu ontako lanak egin ondoren, besteak luma artu eta lagunaren bizitza idazteari gogotsu ekin dio. Bejondaiela Kosme adiskideari !
Onek, bere erriko euskera bizi eta jatorraren bidez, lagun zanaren gertaerak, bertsoak, ibillerak eta ateraldiak kontatzen dizkigu, ura zer zan dotore adieraziz.
Denbora berean, bertsolaritzaren gizaldi baten berri ematen digu, eta bai Oiartzungo erria oraintsu arte zer izan dan azaldu ere.