Auspoaren auspoa I eta II izeneko liburuak eskeini zizkigun Antonio Zavalak orain bi urte t'erdi, urteetan zear emandako itzaldiak, itzaurreak eta liburu-aurkezpenak bilduta.
Lan orren zale inoiz ere izan ez dala aitortzen zuan aldi artan. Leengo bertso zaarrak eta errijendearen kontakizunak argitaratzea aurreragoko lana dala pentsatzen duala. Baina konpromiso guziei ezin iges egin, eta oietatik asko izan du arrezkeroztik ere, onako liburu au osatu arte.
Lan oietan ez omen du erri-literaturaren teorizazioa osatu nai izan, ortarako denborarik ez duala eta. Aldi bakoitzean bururatu zaizkion pentsamentuak eta iritziak jaulki ditu. Besterik ez.
Baina aitortzatik ere asko du liburu onek: bere liburutegi au erri-literaturaren auspoa izan zedin sortu zuan bezela, aize emanez aspaldiko sua itzal etzedin, auspo orri berari aizea zerk ematen dion edo zerk eusten dion adierazten digu orrialde auetan, ainbeste urteren buruan zutik iraun aal izateko.