Liburu ontan bildu diran idazlanak El Diario Vasco egunkarian ikusi zuten leenengoz argia. Aurrena 1997-VII-25-an agertu zan; azkena, berriz, orain egun gutxi.
Idazlan oien egillea ibiltzale purrukatua degu, eta dijoan tokira dijoala bi eginkizun daramazkiana: bata, ango ikuspegiaz begiei gozatu bat eman : bestea, an iñoiz ezagutu dan gertaerarik nagusiena ikasi eta berritu.
Bide ortatik, tokiaren berri emateaz gain, garai bateko makina bat leyenda eta istori eder kontatzen dizkigu liburu ontan, gure buruan ezezik biotzean ere ondo gordetzea merezi dutenak.
Biotzean esan degu, kontakizun oiek, jakingarri ez-ezik, guztiz maitagarri ere diralako, eta jaio eta bizi geran lurralde au geiago maitatzen erakutsiko digutenak.