Oilandoiko kapera, Baigorriko eskualdean eta urrunago ere, ezaguna da. Eta toki guziz paregabea aurkitu du hor Mixel Oronoz idazleak bere euskarazko lehen eleberriaren gertaleku historiko-misteriotsu gisa. Mutiko bat badoa herritarrekin Oilandoko Baselizara. Han egiten du Ermitaren ezagutza, bai eta beti honekin dabiltza Basoi, Gaueko et Lur pertsonaiena. Elgarrekin ibiliko dira Baigorriko historian gaindi. Eta hasteko gauez gau joanen dira Baigorriko lau pilareen bisitatzera: Etxauzea, Beherako Plaza, Zubikonkorra eta Eliza.
Jarraitzeko Ermitaren Bordan berean iraganen dute bigarren gaualdia Baigorriko lau pertsonaia historikorekin : Etxauzko Beltran apezpikua, XVI. mendekoa ; Jean Isidore Harizpe marexala XIX. mendekoa; Bettiri Dibarrart bertsugilea eta Peio Hariñordoki apeza, biak XX. mendekoak.
Eta azken gaualdian, ustegabean Xanti, bere laguna, Etxauzko bizkondearen zaldun gazte izana, atzemaiten du eta Nafarroako XV. mendeko historian zehar badoaz...
Atzoko historia gaurkoari lotuz eta gogoetabideak urratuz badarama idazleak bere kondaira ederra Xantiren Zaldixuri espantagarria lagun.