Alison neska gazte bat da. Ingalaterrako hiri ilun batean bizi da, Grimborough-en. Alisoni asko gustatzen zaio igeriketa eta batere ez bere herri iluna eta hango giro itogarria. Alisonek galdua du ilusioa, asperturik dago bere herriaz, inguruko giroaz eta baita... baita Phil bere senargaiaz ere.
Horregatik, igerilariak trebatzeko ikastaro batera joateko aukera suertatu zitzaionean, ilusioa bihurtu zitzaion begietara. Eta ilusioaren txinparta are distiratsuago izan zen Jeremy ikusi zuenean. Bat-batean, kolorez beterik agertu zitzaion bizitza, eta are gehiago hunkitu zen Jeremyren begiak bereetan iltzatzen zirela ikusi zuenean. Alisonek ez zuen lehen begi kolpeko amodioan sinesten..., berari gertatu zitzaion arte. Eta joko bikoitz batean murgildu zen...