Kattalinen gogoetak idatziz, P. Arradoy idazleak euskal baserri munduari, handizki aldatzera zoan mundu horri, mezu hau helarazi nahi izan dio: aintzineko pentsamolde eta lan moldeekin batean, otoi, ez bazter aintzinekoen gandik eskuratu ondasun baliosak, hala nola: xuhurki bizitzea, lanaren maitatzea, euskararen begiratzea, fedea... Ontasun balios horien arabera bizi ziren "euskaldun emazte maitagarri horien urratser eta erraner xoratua egona da, behin baino gehiagotan" idazlea, Kattalinen gogoetak liburu batean bildu aitzin. Behenafarrera arin eta irakur erraz batean idatziz utzi digun lekukotasuna da, liburuska honetan irakurleak pozik aurkituko duena.