Bernard Darricauk 1985ean bere kondu argitaratu zuen Veilleur, où en est la nuit? eleberriaren itzulpena da Beilaria, zertan da gaua? liburu hau. Beñat Dagorreten idazlana. Marc Abert eleberri honetako pertsonaia nagusia katalan bat da. Frantzia iparraldeko herrixka batera doa, irakasle gixa. Ardenak aldetik bertaratu Bertrand Verrier eta honen emazte Clotilderekin adiskidetzen da. Irakasle munduan sartu bezain laster, bera gaindituko duen abentura batean hartua gertatzen da. Bere taldeko neska-mutilen artean aipatzekoak dira: Mateo Parimoni korsikarra, Jean Garat euskalduna eta Martine neska ederra, Marc bera honetaz maitemintzen delarik. Abentura honetan, azpijoko politiko-polizial eta sentimentalak nahastekatzen dira, dela lizeo bateko gorabeheretan eta ideia eztabaidetan, dela oraino oporraldietako gertakizunetan: Euskal Herrian, Espainian, Portugalen, Katalunian. Maitasuna, indarkeria, bekaizgoa eta gorrotoa bizi den lekuan hilak ere gertatzen dira. Baina, ororen buru, Martinek bururaino itxuratuko du bizitza hobe baten itxaropena...