Handia da puntako futbol-taldeetan entrenatzaile arrakastatsu izan den profesional baten futbolari buruzko jakituria teknikoa. Mundu horren ezagutza sakona behar du, hein berean, Boliviako heroi nazional bihurtzerainoko ibilbidea egin duenak. Aparteko ausardia behar da Japoniara talde baten ardura hartzera joateko.
Eta dohain horien guztien jabe da Xabier Azkargorta ; baina, bertute horiez gain, bizitzaren eta kirolaren arteko lotura identifikatzeko, eta hartaz pentsatzeko, berezko abilezia ere badu, eta hausnarketa horren emaitza da liburu hau.
Bertan, bere jardun luzean bizi izandako gorabehera ugari kontatzeaz gainera, futbola eta futbolaren ingurukoa ulertzeko bere modu guztiz pertsonalaren berri ematen du.
Ez du Azkargortak ahanzten, hala ere, futbolzaletasunak begirada kritikoan izan behar duela, beti ere, erroa, eta halakoxea da bere begirada : futbolzale begizorrotz batena.