Euskal teatroak duen molde inoizkorik berezientzat jo dezakegu "pastorala". Sustrai zaharraren kimu berri antzo, korronte zahar-berritu horren ildotik datorkigu Santa Grazi pastoral hau. Herri baten inguruan jaio eta antolatua, muga-ertz herri den Santa Garazi herriaren inguruan. Horretan datza, agian, J. Casenave santagaraztarrak pastoralaren eredu zaharrari dakarkion berrikuntzarik nabarmenena. Herriaren lehen-orainak, larrialdi-itxaropenak, atsegin-makurrak, lorketa-hutsemateak; herri baten bizi nahia eta zailtasuna kantatzen zaizkigu hemen.
Irakurlearen lagungarri, osakin hauk ditu liburuak: P. Lafitteren aitzin solas edo sarrera (pastoralaren barne-egitura, aurkezpena, historia eta abar); J.A. Adurizen euskara batuazko eta Roger Idiarten frantsesezko itzulpenak, eta hiztegiño bat.