Liburu honetan irakur daitezken Etxahunen koplak, bere euskara jatorrean eta egungo euskara batuan ematen dira. Edizio hau, bere egunean Jon Etxaide idazle donostiarrak paratu zuenaren zordun da.
Handia da Etxahun poetaren balioa, baina zuberotar euskalkiaren ezagupen urriagatik bere poemak ez zeuden euskadun askoren eskuetan. Euskal irakurlegoaren gehiengoak badu, orain, Etxahunen berri izateko aukerarik.
Etxahun gure poeta herrikoietatik handiena eta dotorena da, bere lirikaren ederra eta sakona oso tarteka baino ez da parekatua izan. Poemak biziak eta benetakoak direnean ez dira ez zahartu ez ahanzten ; eta poetak bizirik dirau bere kopletan. Etxahun poeta handiak bizirik dihardu Euskal Herriaren baitan : kantari.