Nekez aurkituko dugu mende honen bukaerako nobelagintzan hau bezalako testu balioaniztun eta boteretsurik. Lisboako setioaren historia ustez zientzia den Historiari egiten zaion kritika gupidagabea da, noski, baina testuak dituen ahalmenak hain dira handiak non irakurle bakoitzak bere irakurketa egingo baitu, hasi zenbait uneren poetikotasuna edo hainbat pasarteri darion kutsu filosofikoaz gozatuko denarekin eta buka narratzeko teknikaren garapena bereziki dastatuko duenarekin, Saramagok hizkuntza noraino bihurri dezakeen ikusirik harrituko dena ahaztu gabe. Irakurleari asko eskatzen dion liburua duzu honako hau, baina esker onekoa da, asko ematen du trukean, edozein unetan eztanda egin dezakeen suziria bezalakoa baita.