Bestiario bat idatzi du Luis Haranburu Altunak, bere bestiarioa. Erdi Aroan eta haratago galtzen diren denboretan piztiak, animaliak eta gizonek anaitasun ederrean eraz eta itxuraz aldatzen ziren sarri, izadiaren zentzuaz jabetzeko. Geure artean ez da oraindik bestiariorik gauzatu, nahiz eta hainbat idazle -Oxobi, Mogel... -animalien metaforaz baliatu diren ipuiak eta elezaharrak idazteko. Haranburu Altuna euskal mitologiako zenbait izakiz jabetzen da batzuetan eta egungo mitoez besteetan, gaurko Bestirario hau burutzeko. Ironiaz aldiz et amaitasunez beti, ikusten ditu autoreak gure Euskal Herriko pizti bitxi hauek.