Justo Urdanga izenpean ezkutaturik, euskal idazle ezaguna dugu liburu honen egilea.
Oraingoan, baina, nahiago izan du "Justo Urdanga" izengoitiaz baliatzea, bere baitan aurkitzen dituen ahotsak (edota "ni"ak) askotan ugariak bezain txundigarriak gertatzen zaizkiolako. Izan ere, idaztea bada (edo badateke) jendaurrean biluztea bezalako zerbait. Horregatik, begiak bere barrurantz bihurtzen dituen idazleak ez daki inoiz zer eridengo duen han : Mr Hyde bat, Gulliver bat, Alizia bat edota Ziklope beldurgarri bat. Begiak ixten ditudanean, konturatzen naiz espazioa bera naizela, neurririk gabea...