Finezia handikoa eta ñabarduraz betea da euskara zenbait esparrutan. Esate baterako, bizia, bizitza eta bizimodua funtsean oso gertukoak izanik ere, ez dira sinonomozat hartzeko moduzkoak, bakoitzak bere ñabardura du. Uste izan dut bizia dela liburuan datorrena ongien islatzen duena, biziarenak baitira sentimenak, hausnarketak eta erabakiak. Horiexek dira, hain zuzen, nire eiheraren hiru elementuak, eta horiexek baliatu ditut Biziaren bisutsak ehotzeko.