Gaueko abentura nobela inpultsiboa da, barne-bulkadaz idatzia alegia. Herabeti, ia beldurrez aurkezten zaigun protagonistak, poliki-poliki, kontaketaren haria hartuko du bere gain, liburuaz zeharo jabetzen den arte. Hortik aurrera, haren ahotsa deiadarra bezalakoa izango da, espazio isil eta indiferentearen erdian. Pasaia, Donostia, itsasoa eta burdela : kokaleku horretan harrapaturik, itorik, saiatuko da "gure protagonista" porrot existentzialetik ateratzen, fantasiaren itsasoan gauez irtenbide perbertsoa, aluzinikoa aurkitzen duelarik.