Juan Manuel Etxebarria Ayestak, liburu honetan, Zeberioko bere herrian zein Gorbeaia inguruan jasotako kanta zahar bilduma eder hau eskaintzen digu musika eta guzti. Bilketa lan hau, beren beregikoa barik, bidebatezkoa izan da bere Etnografiako lan multidisziplinarraren barruan. Era askotako kanta zaharrak agertzen dira eta batzuk aipatzearren hona hemen, adibidez: jota eta porru-koplak, ume kantak, Agate Deunaren bizitza eta eskari bertsoak, gai askotako kopla soltuak, Urkiolako Antonio Deunarenak, bertso-paperak, erromantzeak eta abar luze bat. "Min bako arrana ugerra(k)tx(j)=an" dio Zeberioko esaera zaharrak, baina liburu honen bidez ez da isilduko gure herri zaharraren arran-hotsa.