Ona emen beste nobela bat, 'Ataño' asperteziña zanaren lumatik sortua. Aitonen bati entzundako kontakizun batez baliatu dala esaten digu berak. Aotik aorako tradizio zaar bat da, beraz, liburu onen barruko muiña.
Bi famili elkarrekin asarre bizi dira. Orixe da bere aurrekoengandik jaso dutena. "Ondaretzat gorrotoa", alegia. Ez al da orixe izan, zoritxarrez, euskal etxe askotan gertatu izan dana ? Gure alderdi beltz ori agertzen du liburu onek.
Asarre eta gorroto oiek bukaera txarra izango zuten geienetan. Gizaldiz gizaldi, burua leengo lepotik zutela biziak eta illak izango dira olako famili asko eta asko.
Atañok, ordea, ez du bere kontakizuna orrela amaitu nai, irakurlea ez goibeltzearren-edo. Bere bi famili oien artu-emanak zorrozten eta garrazten badijoaz ere, azkenean, Jaunari eskerrak, adiskidetu egiten dira. Ala, liburu au pakearen aldeko oiu indartsu bat degula esan genezake.