Mariano Ostolaiz Goia (1925-1990), oiartzuarra bera, orain urte batzuk "Oroipen-kutxa" izenarekin argitaratu zuan liburuaren egillea da. Bigarrengo au, gai berezi batekin egunkarian agertu zituan idazlan batzuen bilduma da. Gai ori zer dan izenburuak adierazten du : "Senda-belarrak". Landare bakoitzak osasunari zer mesede egin lezaioken. Euskeraz gutxitan erabili dan jakinduria biltzen duan liburua, alegia. Orrekin batera, izadiaren errespetoa eta maitasuna, eder-sena, bertso-zaletasuna eta abar...
Bertso batzuk ere tartekatzen dira. Ez asko, baiña naikoak Oiartzun aldean ugaria dan bertsolari-jenero bat erakusteko: erriz erri kantuan ibili gabeak, baiña ez balio ez dutelako, gogorik egin etzaielako baizik ; lagunartean erruz kantatuak, ordea, eta aldizka profesionalei ere lan txarrak emanak...