Izenaren jabe den Esku bakarrarekin irakurtzeko kontuak honetan, Pilar Cristobalek, luma jostariz eta naturaltasun harrigarriz, hamahiru narrazio aletzen dizkigu, zein baino zein bustiago eta goriagoa. Irakurlea eskutik hartu eta leihatilatxo batera darama, bere voyeurtasunaz atsegin har dezan : jaun-andereen eta bere mirabearen arteko harremank, familia baten larrualdi xelebreak, zakila alokatu duen bikote lesbianoaren kasua, leihotik mutil gimnasiazalea dakusan neskaren gorabeherak...
Egileak ederki ezagutzen ditu gizon-emakumeen fantasiak, eta abdaki batzuen zein besteen begiekin begiratzen. Ohiko erruduntasun konplexuei barre eginez, aurreiritzi gutxiko sexualitate gozatsua erakusten digu. Irribarre ironiatsuz ia beti, baina eskuan zigorra hartuta ere bai inoiz, gizakien ergelkeria, hipokresia edo jauntxo keria astintzeko orduan.