Joseba Sarrionandiaren biografia ; Ruper Ordorikaren atarikoa ; egileak aukeratutako bere berrogei poema ; eta berak orain artean idatzitako hogeita bi liburuen azalak, erreferentziak eta nondik-norakoak. Hau guztia egileak berak aukeratutako hainbat ilustraziorekin eta orain artean inon argitaratu gabeko zenbait argazkirekin.
Liburu hau, ordea, ziurrenik bat gehiago besterik ez litzateke izanen berarekin batera banatuko den diskoarengatik ez balitz. Disko honetan, Joseba Sarrionandiaren poemak musikatu dituzten hamasei euskal abeslari eta talde bildu ditugu. Abesti bakoitzaren ondoren, berriz, Josebaren ahotsa entzun dezakegu lehen aldiz, grabaturik. Idazleak berak beste hamasei poema errezitatzen ditu.