Joanes itsasuar gaztea, bere soldado lagunekin 1940ko udan preso hartu zuten alemanek eta suerte onez sei hilabeteren buruan familiako sostengu bezala etxeratu zen. Donibane Lohizuneko kommandantur-era astean bi aldiz aurkeztu behar zuen. Ez zen bada hargatik bi eskuak sakelan egon. Eusebio bere lagunarekin ibili zen Altsasutik Amaiurera iheslarien pasatzen. Salatua izanik, berriz preso hartua izan zen eta Buchenwaldeko kontzentrazio zelaira eramana. Gerla bururatzean baizik ez zen oinaze eremu ikaragarri hartatik atera eta doi-doia bizirik etxeratu zen, gosea zer den gehiegi ezagutu ondoan. Euskara errex eta aberats batean idatzia da kondaira eta irakurlea kapituluz kapitulu bidaiatzen doa, jarraipenaren jakin nahia hastetik buru bizirik atxikiz.