Hiltzaile odolzale bat dabil Bilboko kaleetan barrena. Inork ez daki nor den, nondik datorren, zergatik burutzen dituen sarraski ikaragarri horiek. Ez dago hilketen lekukorik, ez hiltzailearen arrastorik, eta poliziek ez dakite zer egin. Hiritarrak, horregatik, zeharo izututa daude, edozein momentutan edonor akaba dezakeelako. Komunikabideek izena jarriko diote hiltzaile misteriotsuari : Piztia.
Liburu honetan irakurriko duzun istorioak ikertzaile pribatu bat du protagonista : Martin Iriberri. Gizon estrainio batek Martin kontratatuko du, zertarako oso ondo ez dakielarik. Martini, ordea, ez zaizkio arrazoiak axola. Berari gauza bakarra interesatzen zaio ; hots, dirua. Laster, baina, gauza batzuen prezioa altuegia dela konturatuko da.