Olanazko gure dendan gertatu zen behin, Hakam basamortuan, Farach oasitik hamabi dunara. Safa aitonak beti kontatu ohi zizkigun istorioak lotarakoan. Egunaren azkenarekin, hirurok esertzen ginen dendako zoruan, eta zas !, hantxe ginen urrutiko munduetara hegan joateko prest. Gugandik oso hurbil, gure bi ahuntz bakarrak, Roxabeltz eta Txazuri, arnas epelka, hondarretan patxadan etzanda.