Joakin Balentzia nafarrak argitara ematen duen lehendabiziko liburua da "espaloian dago munduaren xilkoa" poema liburu hau. Haizea harrapatu nahi digutenen aurrean amorratu den ahots xume baten borrokarako aldarrikapenak irakurriko dituzu orrialdeotan, amodiozko eta erotasunaren inguruko ahots barnekoiagoen aldamenean. Poetak, oinezko arrunten artean aurkitu du hiriko babeslekua, espaloietan, hantxe bait ditugu lagunak 'zerrautsa eta odola garbituz gero', han munduaren xilkoa, lagunekiko lotzen gaituen lokarriaren marka. Eta errepideko bazter zikinetatik agurtzen zaitu, zanpatzen utzi ez diren kantu latz, lasai eta mehatxagarrientzako bizi dugun garai hauetan.