Lizarra-Garaziko Akordioaren sinatzearekin hasi eta Udalbiltzaren sorrerarekin amaitzen den urtebeteko ibilbide politikoa laburbiltzen du liburu honek. Besteak beste ETAren su-eten mugagabea, indar abertzaleen arteko elkarlana eta naziogintza ardatz dituen aldi historiko honen gida-liburutzat har daiteke. Itsasaldi baten eguneroko gisa antolatuta, kronika eta gogoeta, narrazioa eta analisia, gertakari historikoak eta pasadizoak uztartu ditu egileak, atseginez irakurtzen den liburu batean.