"Bi asteren buruan lezioan aurrera egitea deliberatu nuen, nahiz eta Iñakitxu koitaduak artean besoei hankak eta sudurrari aho esaten zien. Jakinean nengoen Iñakitxu atzeratu samarra zela eta integrazio plan berezi baten barruan onartu behar nuela bere kasua. Hala ere, gainontzeko ikasleak aspertzen hasiak ziren eta ezin nuen denbora gehiago alperrik galdu. Artean ez nekien zelako krudela izan zitekeen kaxkajo koadrila hura."