Xabier Diaz Esarteren antzezlan honetan pertsonaiarik ezagunenak hurbilduko zaizkizu, Tania eta Dabidekin batera. Bi neska-mutil hauek pertsonaia mitologikoen bila eramango zaituzte. Argazki-makina hartu beharra izango duzu, gainerakoan ezin izango baituzu frogatu Tartalorekin edo Lamiekin egon zarela. Edo Basajaunekin edo Eate, Ortzi eta Hodei Jainkoekin. Eta besterekin. Ez zaizu damutuko mito horiek ezagutzea. Liburua irakurtzeaz gain gelako lagunekin batera antzeztuko bazenu, are gehiago gozatuko zenuke. Izan ere, zertarako dira antzerki lanak, antzezteko ez bada !